Search
  • سمير الحجار

لاحظت6-يمكن

Updated: Jan 30, 2020

* يعني أّذا ما تصبحت بوش طارق الملقب بأبو طريق ريحة ، صاحب بسطة العطر يلي بلزق البيت ، و يقلي يسعد صباحك أستاذ سمير ، و أنا أنبسط بكلمة أستاذ سمير ، ما بيكمل صباحي ، و أذا ما نزع نافع هالإبتسامة بوينك يا حيوان المرفقة غالباً ببزقة لأني متأخر كمان ما بيكمل صباحي *يمكن إذا ما دقيت الصبح و سألتك وينك و أنا بعرف وينك ، بس لقيت حجة لأسمع صوتك ، و قلتيلي بالدرس، ما كنت صرخت و قلت لحالي يا الله شو بحبك، يمكن لو ما طلع هاد الصوت (توت توت) يلي بدل على نهاية وحداتي و قلك (خلصوا و حد.. و ما تتكمل هي الجملة ، كنتي سمعتي (اتي ..شتقتلك) *يمكن لو ما كان بين درويش و ريتا بندقية ، ما كنت سهرت مع مارسيل ، يمكن لو كان في مكان تاني رحلو ما كنت غنيت مع أم كلثوم (أروح لمين ؟!) *يمكن لو ما كنت جفص ساذج لا مبالي مهمل بلا أي مبدأ على أقل تقدير ،ما كنت مشيت لحالي طريق الربوة *يمكن لو ما كنت بكره يلي ما بيشبهني ، ما كنت حبيتك *يمكن لو أبوكي ما بتسم لأمك بشارع طويل ، ما كنت حبيتك *يمكن لو ما تونسي حرق حالو بأرضو، ما كان الحاجز أخرني عليكي *يمكن لو ما مكتوب عباب المكرو (أغلق الباب بهدوء) ، كان تسكر بوشي بواب كتير *يمكن لو كتبت هالحكي بالفصحى ، كان أحلى ..بكتير ________________________ 21/5 ضاحية.


22 views0 comments